Register


دارميات حلوة 2016 ،ابوذيات 2016 ،شعر 2016 ،شعر عراقي 2016 شعر شعبي , دارميات , ابوذيات , الشعر التحشيشي , شعر الغزل العراقي , شعراء عراقيين , الشعر في العراق دارميات 2016 ابوذيات حلوه

العودة   ملوك العراق > منتديات ملوك العراق الادبية 2016 > دارميات حلوة 2016 ،ابوذيات 2016 ،شعر 2016 ،شعر عراقي 2016

إضافة رد
 
LinkBack أدوات الموضوع إبحث في الموضوع انواع عرض الموضوع
قديم 05-18-2011   #1
ملك فعال
 
الصورة الرمزية صـ ـقـ ـر الا نـ ـبــ ـار
 
تاريخ التسجيل: May 2011
العمر: 29
المشاركات: 322
معدل تقييم المستوى: 16
صـ ـقـ ـر الا نـ ـبــ ـار is on a distinguished road
افتراضي اشعار ابوذية ابوذيات عراقية 2011

انا الشراي للخوه بلا كم
اوابد ما يسوى كل عمري بلا كم
اذا مره نزل لينه بلاكم
مثل الجنه ونفتحت عليه


زماني بسيف مت عني علي راد
وهمي اشماجفل عني علي راد
ادور الي يجاوبني علي راد
ويضمد اجروح ما الهن شفيه


زماني علي سيف الظلم سله
ومو بس هاي شج بالعين سله
رغم هذا وجسمي القهر سله
كمت وي اخوتي وشلت الاذيه


عجيبة شگد تعب گـلبي ولا أنْ
ولا مـرة عرف يـحمل ولائينْ
يصاحب يا درب ماشي والى أين
تروح وتـجفي كليبي العليل


يراكب اسرع الممشه وبلي جد
لخويه تكله و اتخبره باليجود
تمنيت الطفوف اتظل باليجود
ويواسي بمهجة والروح أخية


بلساني العليل ايلوج يـوماي
ومن حزني گرب للموت يوماي
دمعة حزن تهمي العين يـوماي
اهل ادمـوعي دم لبن الزجيـه


طوه ضلعي على العريس واحنه
وحنين النوگ احن اعليه واحنه
تحـني الـوادم الجفين واحنه
نحـني اجفوفنـه ابـدم المنيه


مثل حزني حزن ما شفت والماي
ولا تـلاوم عليـه محب والماي
عجيبه من الفرات انحرم والماي
ابويه عراق و افدي بل منيه


ابيوم اهلال شهر الحزن منهل
بجيت آنه وجريت الدمع منهل
تـذكرني الغرب ابيوم منهل
على الفراك حتى كليبي كطعته


غريبه ولاوطن عندى ولادار
وحولك ما خلص يبني ولادار
يبني اجفاك مرمـرني ولادار
بحليبك ياحبيب تعود اليه


وليدي راح من ايدي واهو شاب
وشاب الراس لفراگه وهو شاب
ما شب نـار دلالي وهو شـاب
نيرانـي ورحل مـن بين اديـه


:
شجيت انه وجريت الدمع منهال
وحنيت الضلع يوم الصاح منهال
صحت ويلاه يا ويلادي منهال
عليكم صحت وين الي يجاوب عليه


يخويه الضمه نار احرگت يوفـي
عرفنه اللى يواعـد وعد يوفـي
حاشاه العـزيز ايخون يوفـي
بن امي نفس نهض ا ليـه


شكول للحر ما واحد نجلهـا
وچم حره انچتل باالعراق نجلها
المدينه ما نحب نوصل نجلها
نريد انخيم بـوادي الـمنيه


كثيره اجروح يبن امي ترابيك
عفت الدار وعيوني ترابيـك
چانت تسهر ليالي وترابيك
متكلي اشوكت اتعود اليه


انگطع حبل الوصل بيني وبينه
وذخرته والـعمد هّو وابينـه
إلمن اشتكـي هـمي وابينه
واخبره اشوكت ايعوّد عليـه


جروحك بيش اداويهن والفهن
مو جرحين حتى اگعد والفهن
حايرانه بعدهن ولفهن
وراحن اجروحي كلهن عليه


توجّل گـلب الحنينـه علمها
يولي وحست بـوحشه علمها
ساعه من وگع الحبيب علمـها
لطمت عـالوجه منين يرجع اليه


قطار العـز تعدانـه ومـرنـه
وعلينه مـا نشد واحد ومرنـه
عگب عينك يا صاح وامرنـه
بـهاى انفوضه لـرب البريـه


علينه اطلع يبو صالح ولمنـه
تراها الناس ماداوت والمنـه
انت الامـل يلغايب والمنه
وبلسم انت لجروحي الخفيه


تركني الدهر بـالغربه بلاسم
وضعف حيلي ومرد چبدي بلاسم
واكيد الفرج لجروحي بـلاسم
يبلسمها ويـرد روحـي الـيه


تمر انخاك يا عراقي عليهـم
واخبرك كلب كل منهم عليهم
وطنه الكل جفت عنه وعليهم
گلبي وگـربت منـه المنيـه


الك بگلوبنه من الشعر نـادي
رطب ذكرك بگلب المحب نادي
يا عراق بيوم الحشر نـادي
محبينك يـجوك اعلى النديـه


ربينه اعلى حبك احنه علينـه
نصيح بشده لـوطحنه علينه
يا عراق جـارت الدنيـا علينه
ورمتنه بـدار غربه واجـنبيه


انامر بالصبر روحي ونهواى
وكثير اتعد مصايبها ونهواى
الوادم بالهوه اتساهر ونهواى
يعتني بيك صبح ومسـيه


انا مو عن طمع جيتك وانحبيت
سعيت ازحوف اجي لگبرك وانحبيت
جرت لحبك ادموعي وانـحبيت
اون وابچي على فراكك عليه


يربي لحضرت الـمولى ودينه
نـوفي انذورنـه ل الله ودينه
يربي اصدورنه ضاگت وادينه
الك مرفوعه تدعي بكل مسيه


يا صاح الدهر عگبك هضمني
وطحني ابين چفينه هضمـني
اتمنه افتح لحـد گبرك ها ضمني
ودخلصني يا بويه داروا عليـه


يا عراق تحن الك عيني و نهباي
يعاني الگلب لفراگ ونبهاى
تحن لزيارتك روحي وان بهاى
اغـص بعبرتي صبح ومسـيه


حنيني ليك يا عراق هوايه
ودمعي الماخلص بحره هوايـه
حبك علم صار النـه هوايـه
كتبها اعلى الگلب رب البريه


ننخه باسمك احنه تـرى دوم
ونهل دمع الحزن لجلك ترى دوم
چم مره انصدع گلبي وتـرادم
ويّ الصـبر والهـم والاذيـه


حسبـه تروح عني والف يبرن
وما صدگ اجروح الگلب يبرن
وحكك طابن اضلوعك ويبرن
وانه لسـا اضلوعي اتعن عليه


احن لفراگك ابن امي واناصيح
الك ماضل ضلع سالم وناصيح
يخي چنت النه وانـاصيح
وعگبك مابجت اخواني عليه


تعال وشوف كلبي من بعدكم
حزين ومايحب احد بعدكم
لوطال العمر وانتو بعدكم
يضل حبكم بكلبي للمنيه


اشلون انساك وانت ماي عيناي
اخوي اولليضدني بيك عيناي
اتمنى ليك كل مصباح عيناي
ولكن ما يصح وصلك بدية


يميني الك ممدوده ويسراي
اخوي انت ابعسر حالي ويسراي
قيس انت سر الوادم وي سراي
اليعجبك والتريده بس كوله اليه


كبر العمايـم تصدعنـي بغيـر اصـلاح
شطـار في لفـها لكـن بغيـر اصـلاح
في طيها الجـهل مع سـاس الغبـاوة لاح
شـي الفايـدة هالكبـر لفـه بليـا نـفع
لا منفعـه للوطـن لا علـم بـه منتـفع
ما همهم غير قرض العرض وتر وشـفع
فليسقط اللاف وليحيى العظيـم اصـلاح


عليه اسهام وكتي النوب ينجال
اوماضل عدل بالميزان ينجال
سألته لحم اخوك الميت ينجال
يكلي الوكت شرعا حلال اليه


نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر لحمات بيه


روحي والهوى ودنياي وعداي
واشلون اشيل الجدم وعداي
صابر وانتظر واشـوف وعداي
ابفرح لو دوم وكـتي محيط بيه


العاذل غير اطباعك ولاشاك
وتخاصمنا وصرت خسمي ولاشاك
الذهب غيرك على احبابك ولاشاك
وخصام انكلب كل ودك عليه


إجبود ابجمر من الوكت ملت
وكَلوب الناس من الهجر ملت
مرابط خيلك من الخيل ملت
وبيض اسيوفكم امست صديه


يادنيا ليش بعذابي تسعين
وربعي وقت الحلو صاروا تسعين
وبويا ليش من بعد عام تسعين
كلهم مامروا عليه


يارايح هاك كتابي وياك وصلة
عالمدري هله واعمامة منين واصلة
كله الكلب بجفاك صار 12 وصلة
كل وصلة تكول جيبه الية


بعد لاتظن اراسلهم وصلهم
بسبب لن جان قطعو وصلهم
ارخصك هل العاذل وصلهم
انتهيت بعد لايمرون بيه

المصدر: ملوك العراق


hauhv hf,`dm hf,`dhj uvhrdm 2011

صـ ـقـ ـر الا نـ ـبــ ـار غير متواجد حالياً   رد مع اقتباس
قديم 05-18-2011   #2
ملك بده يشتغل
 
الصورة الرمزية سيد الدموع
 
تاريخ التسجيل: Apr 2011
الدولة: العراق بغداد
المشاركات: 189
معدل تقييم المستوى: 11
سيد الدموع is on a distinguished road
افتراضي رد: اشعار ابوذية ابوذيات عراقية 2011

عاشت الايادي حبي الابوذيات يخبلن يسلمووووووو
__________________


ســيــد الـــدمــوع
كان هنــــا
سيد الدموع غير متواجد حالياً   رد مع اقتباس
قديم 05-18-2011   #3
ملك نشيط
 
الصورة الرمزية توتة الكرادية
 
تاريخ التسجيل: May 2011
المشاركات: 3,762
معدل تقييم المستوى: 154
توتة الكرادية is on a distinguished road
افتراضي رد: اشعار ابوذية ابوذيات عراقية 2011


ماأجمل تلك المشاعر التي


خطها لنا قلمك
الجميل هنا

لقد كتبت وابدعت
كم كانت كلماتك رائعه في معانيها
فكم استمتعت بكلماتك الجميلة
بين سحر حروفك التي
ليس لها مثيل
__________________




أخــرســــــــــي أيتهـــــــا الدنيــــــا ســــــــــوف أتحــــــــدث !

قسما بربي سأجعل الحياة تبكي من جبروت ابتسامتي وسأضع كرامتي فوق رأسي وسأضع قلبي تحت قدمي ليرحل من يرحل
لن تهدم الدنيا ولن تغلق أبواب السماء
فأنا لا التفت أبدا إلى ألوراء ....فالحب والتقدير لا يأتي بالتوسل والرجاء
فإذا كان وجودهم شيء فكرامتي أشياء

توتة الكرادية غير متواجد حالياً   رد مع اقتباس
قديم 05-19-2011   #4
عضو فعال
 
الصورة الرمزية !•*عہسہلہ•*!
 
تاريخ التسجيل: Apr 2011
الدولة: في قلب من اعشق
العمر: 25
المشاركات: 1,248
معدل تقييم المستوى: 53
!•*عہسہلہ•*! is on a distinguished road
افتراضي رد: اشعار ابوذية ابوذيات عراقية 2011

ع ـــاااااشت الايادي
يسلمووووووووووووو
__________________
انثى مزجت مع المستحيل
صًحـيَح‘ ح‘ـلِوه‘ بُس‘ م‘ـآإ فَي‘ـيني‘‘ غِرٌوَر فـيًني‘ جـرآءهـ‘ حـآإضنًتِهإآ طَفٌوًله
!•*عہسہلہ•*! غير متواجد حالياً   رد مع اقتباس
قديم 05-19-2011   #5
ملك فعال
 
الصورة الرمزية صـ ـقـ ـر الا نـ ـبــ ـار
 
تاريخ التسجيل: May 2011
العمر: 29
المشاركات: 322
معدل تقييم المستوى: 16
صـ ـقـ ـر الا نـ ـبــ ـار is on a distinguished road
افتراضي رد: اشعار ابوذية ابوذيات عراقية 2011

يسلمو على المرور

الجميل عاشت الايادي

تحياتي
صـ ـقـ ـر الا نـ ـبــ ـار غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
عرب برامج
أدوات الموضوع إبحث في الموضوع
نكت
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Bookmark and Share

SEO by vBSEO

الساعة الآن 11:53 PM.